دهربارێ مه:
ئێکهتییا نڤیسهرێن کورد تایێ دهۆکێ سازییهک ئهدهبی رهوشنبیری یه گرنگییێ ب رهوشا ئهدهبیات و رهوشهنیرییا کوردی ددت و ب ئاوایهک بهردهوام ههول ددت ب رێکا پلان و پرۆژهیێن ئهدهبی و رهوشهنبیری بهرههمدانهک ئهپستمۆلۆژی پهیدا بکت پاشی ئهوێ بهرههمدانێ ڤهگۆهێزت ناڤ ههموو تهخ و چێنێن جڤاکێ کوردستانی ل کوردستانێ ب گشتی و ل دهڤهرێ ب تایبهتی. ههروهسا، گرنگییێ ب رهوشا سهرجهم نڤیسکار و ئهنتلکتوێلێن کورد ل ناڤ و دهرڤهیی کوردستانێ ددت ژبهر کو سازییهک کوردستانی یه و چاڤ ل وهرار و پێشکهڤتنهک بهردهوامه و بلندکرنا ئاستێ پهیڤ و پهیاما کوردی ژ ئهرکێن خوه یێن سهرهکی دزانت.
ئێکهتییا نڤیسهرێن کورد ب رێکا ئهڤی مالپهری دخوازت پرێن پهیوهندییێ د ناڤبهرا تهڤاهییا نڤیسکار و ئهنتلکتوێلێن کوردستانی ده سهرانسهر جیهانێ ئاڤا بکت و پاشی ئهوان پران موکم بکت. ههروهها دخوازت مهودایان نیزیکتر بکت ژ بۆ ڤهگۆهازتن و پێکگوهۆرینا ئهمپستمۆلۆژییێ دهربارێ بزاڤا ئهدهبی و رهوشهنبیری ل کوردستانێ.
پارازتنا زمانێ کوردی ژ ئهرکێن مه یێن سهرهکی یه و بلندکرنا ئاستێ هزر و هشمهندیییا تاکهکهسێ کورد یێ ئهنتلکتوێل یهکه ژ کارێن کو ئهم پێ رادبن. ئم ههموو پێکڤه، ل ههر درێ و ههرئێک ب کارینێن خوه دکارت بهشدارییێ د ئهڤێ بزاڤێ ده بکت و رۆلێ خوه یێ دیرۆکی د دهرحهق پرسا زمان، چاند و ئهدهبیاتا کوردی ده بسهلمینت.
– ههر ئهنتلکتوێلهک کوردستانی ماف ههیه ب بهرههمێن خوه بهشدارییێ د مالپهری ده بکت.
– مافێ ههر ئهنتلکتوێلهکێ ههیه بهرههمان ب زمان یان زاراڤێ خوه بهنێرت بهلێ بریاردان ل سهر وهشانێ مافێ سازییێ ب خوه یه.
– بهرههمێ کو بگههت مالپهرێ ب چو ئاوایی ڤهناگهرت بۆ خوهدانی چ بهێت بهلاڤکرن یان نا.
– بهرههم دێ ژ ئالییێ دهستهیا برێڤهبهرییێ بهێت نرخاندن و بریارا پهژراندن یان رهتکرنێ بۆ وێ دمینت.
– ههر بهرههمێ کو زیانێ بگههینت مهبهست و ئارامنجێن سازییێ ناهێته بهلاڤکرن.
– بهرههمێ کو زیانێ بگههینت ههر ئالییهک دی، یان کهسهکێ دی یان ژی سازییهک دی ناهێته بهلاڤکرن.
– سازی بهرپرسیاره ژ بهلاڤکرن و نهبالڤکرنا بهرههمان بهلێ ههر نڤیسکارهک بهرپرسیاره ژ ناڤهرۆکێ بهرههمێ خوه.
– سازی بهرپرسیاره ژ پارازتنا ناسنامه و پیزانینێن کهسایهتی بۆ ههر بهشدارهکێ.
– شێوهیێن سهرهدهرییێ و ئالاڤێن چارهسهرییێ بۆ ههر پرسهکا ههبت دێ ب ئاوایهک سهردهمی بت بێ فهرق و جوداهی.
ژبۆ پتر پیزانینان یان پرسیار و پێشنیازان ژ کهرهما خوه پهیوهندییێ ب سازییێ ره بکه.
ئێکهتییا نڤیسهرێن کورد/ دهۆک
کوردستان / دهۆک