رێڤنگێ ئارمانجێن پیروز
د بهارا ژیانا خو دا ،
ئهز کهفتمه رێكا ،
سهمایێن خوشێن گهنجینیا خو ،
من بیر کرن ل مالا بابێ .
من چ مال و ملك ههبن ،
من ب دلخوشی هێلان ،
د دهستێ من دا دارهك سڤك ،
یێ ب ڕێڤه دچم ، ب دل خوشی
هیڤیهك ب هێز بوو ، یا ئهز کێشایم ،
پهیمانهکا باوهریا دل ئێش ،
دگوت ههره ، رێکا ته ڤهکریه ،
بو ئێكهم ، ژێدهری ههڕه ،
ههڕه ، تا دهرگهههك زێری،
دهمێ دچی ، ههره ژوور،
ههمی تشتێن جیهانی یێن ل وێرێ ،
دێ بیته خوداوهند و نهمر ،
بوو شهڤ ، بوو سپێده ،
ئهز دچووم، دچووم،
ههردهم ما ڤهشارتی ،
یا من دڤیا ، یا ئهز لێ دگهڕیام،
چیا ڕاوهستیان د رێکا من دا ،
بهنداڤا ڕێك نه دا من ،
من دار دان بهر شویرها ،
من پر ئاڤاکرن ل سهر ئاڤهرێژا .
ئهز هاتم بهر رویبارهکێ ،
د کهشهکێ خوش دا دبوریت ،
دلێ من پره ژ باوهری و خوشیێ ،
من خو هاڤێت د سینگی دا ،
بهرهڤ دهریایهکا مهزن ،
ئهز ڕاكێشام ، پێلێن وێ ،
ل پێشاهیا من بوشاهیهكا بێ دویماهی ،
هێشتا ژ ئارمانجا خو دویرم .
چ ڕێك نابن وێرێ ،
مخابن ئهو ئهسمانێ ل سهر مهڕا
چ جارا وێرێ ڤێرێ نینه .