hikmetmela-1-copy

ب مەترەلۆزا نەخۆڕن / هه‌لبه‌ستڤان: حیكمه‌ت مه‌لا یاسین – ئاكرێ 1981

ب مەترەلۆزا نەخۆڕن

بارکەن ل وارێ مە ھەرن

وارێ من تەنا حەبینی

دوژمن بۆچی دێ لێ مینی؟

تانک و فرۆک و ناپالا

چەند بکوژن پیرۆ کالا

چەند وێرانکەن گوند و وارا

چەند بسوژن دەشت و زارا

چەندی ھێزا تو لێ کۆمکەی

چەندی مالا تو ژێ بارکەی

چەندی ب دزی زەڤی و گوندا

چەند تە خارین بخوی ھندا

چەند ب مێژی خوینا گەنجا

چەند ب کولی رەش و پەنجا

چەند فرەهکەی بەندیخانا

چەند نیشادەی پەریشانا

چەندی بمرن تولاز و خورت

دێ ھەر مینیت مللەتێ کورد

دوژمن تە یێ ھەی توپ و تانک

دوژمن تە یێ ھەی دان و دانک

دوژمن تە یێ ھەی ئەو ھێزا زال

دوژمن تە یێ ھەی بەند و نال

دوژمن تە یێ ھەی دوستێ خار

دوژمن ژ ھەمی یا ئەزێ ژار

دوژمن منێ ھەی چاڤ و بیر

دوژمن منێ ھەی جەنگا دویر

دوژمن منێ ھەی خوینا سور

دوژمن دێ رێژم کێم و زۆر

دوژمن منێ ھەی دوستێ چاک

دوژمن منێ یێ ھەی رێکا پاک

دوژمن دێ بەسە بفامە

دوژمن دێ بەردە رێکا مە

مللەتێ کورد تو چاک د ناسی

تو خوین مژێ بدەنگ و باسی

لەوا گەنجا دەست دا چەکی

ل کەربا خۆ دێ تو تەقی

ئافرەتا کورد کەفتە رێزێ

تو ناشکێنی وێ ھەمبێزێ

بزاڤ کەڤتە گەنج و پیرا

دێ ئەم لابەین بەگ و میرا

دوژمن مللەت نابەرزە بیت

ئەوا مە گۆتى دێ ئەو بیت.


  • ئەندامێ ئێکەتیا نڤیسەرێن کورد-دھوک و ھەلبەستڤانێ کورد و شوڕشگێر ”حکمەت مەلا یاسین” پشتی شەرەنیخکی درێژ ل گەل نەخوشییێ ل ٢٠١٦/٩/٢ وەغەرا داویێ کر، ھەلبەستڤان (حکمەت مەلا یاسین) خودان ھەلبەستێن شورەشگێری و بەرخودانێ بۆ و کەلەک ژ ھەلبەستێن وی بوونە ستران. نڤیسەرێن کورد د ھشێ مللەتێ خودا ھەردەم ساخ وزندی نە، ھەلبەستڤانێ کورد(حکمەت مەلا یاسین) ژی ھەردەم دێ ب رح و پەیڤێن خوە دناڤا مە دا بیت.

  • تتطلب عرض الشرائح هذه للجافا سكريبت.

Share This: