یەکیتیا نڤیسەرێن کورد لقێ دھۆک ل کونفرانسێ زاخۆ ھاتە خەلاتکرن

سەروکاتیا زانکویا زاخۆ و راگریا فاکولتیا زانستێن مرۆڤایەتی، دوومەین کونفراسێ زانستیێ نێڤدەولەتیێ زاخۆ: ژیان، شارستانی و کەلتوور ل ١٨-٢٠-٢٠١٧ ئەنجامدا و بناڤێ یەکیتیا نڤیسەرێن کورد-دھوک، سەرۆکێ یەکیتیێ نڤیسەر: حەسەن سلێڤانی بەشدار بوو و تێدا بابەتەک ل دور رەوشا چاپ و وەشانێ ل دەڤەرێ و ل ئێکەتیا نڤیسەران بەحس کر و ئامارا گشتی یا پەرتووکێن چاپکری ل یەکیتییا نڤیسەران ب ڤی رەنگی داخویاکرن:
وەشانێن ئێکەتیا نڤیسەرێن کورد – دھۆک ژ تەموزا ٢٠٠٤ ھەتا ١٠/٢/٢٠١٤


سال ژمارا چاپکرنا پەرتۆکان
٢٠٠٤ ……….. ٩
٢٠٠٥………. ٤٩
٢٠٠٦………. ٤٨
٢٠٠٧………. ١٣
٢٠٠٨ ……….٤٠
٢٠٠٩………. ١٥
٢٠١٠ ………٤٥
٢٠١١………. ١٧
٢٠١٢ …………٢٠ + ١٠ دگەل رێڤەبەریا چاپ و وەشانێ ل دھۆکێ
٢٠١٣……….. ١٨
٢٠١٤……….. ١٠
٧ ب رێیا مەلبەندێ گشتی – ھەولێر
—————
٣٠١ پەرتۆک


دەرگەھێن چاپکرنێ (ژانرێ وێژەیی ) ژمارە

ھەلبەست ١١١
ڤەکولین/رەخنە ٥٠
چیرۆک ٤٠
رۆمان ٢١
فولکلور / گشتی ٢٤
وەرگێران ٣٠ ( ٣ ب زمانێ ئینگلیزی )
زمانێ ئەرەبی /ھەمە رەنگ ١٢
میژوو ٦
زمانڤانی ٧
—————
٣٠١


 ئەڤا ل خوار ژی دەقێ پەیڤا ئێکەتیا نڤیسەرێن کورد لقێ دھۆکێ یا کو ل کونفراسی ھاتە پێشکێشکرن.

خوەندن خوەشی یە ، بەرفرھیا رەوشەنبیری یێ یە ، پەرتۆک سیمایێ شارستانی یێ یە پروژێ مە یێ ئێکەتیا نڤیسەرێن کورد لقێ دھۆکێ ، لژێر ناڤێ ژ وەشانێن ئێکەتیا نڤیسەرێن کورد – دھۆک ، ل مەھا تەمموزا سالا ٢٠٠٤ دەستپێکر ، پشتی پەسەندکرنا دەستەکا رێڤەبەر ، نەخاسم پشتی پەیداکرنا پشتەڤانیا دارایی ب رەنگەگێ قەنج ژ سەروکاتیا جڤاتا وەزیرێن کوردستانێ و ب رێیا وەزارەتا دارایی و ئابوری –ریڤەبەرییا گەنجینا دھوکێ . ئەز ل ڤێرێ سوپاسیا جڤاتا وەزیران دکم ژ بۆ وێ ھاریکاریێ وپشتەڤانیێ یاھەیڤانە ول دەمێ خوە بۆ ئێکەتیا نڤیسەرێن کورد لقێ دھۆکێ ، جونکە ئەو پشتەڤانی بۆ ئەگەرێ خورتکرنا مەیدانا رەوشەنبیری ل دھۆکێ ، ومە شیا ٣٠١ پەرتوکان بو ئەندامێن خوە و چەند نڤیسەرێن ئالیێن دی یێن کوردستانێ وسوڤیەتا بەرێ وئەرمنستانێ وکازاخستانێ و ھندەک نڤیسەرێن ئاکنجیێن ئوروپا وئوسترالیا چاپ بکین ، وەک ئەرکەکێ کوردینی یێ کو رەوشا مە یا ئابوری ژ یا وان باشتر بوو . ئەڤی پروژێ چاپکرنێ پەیوەندیێن مە یێن رەوشەنبیری دگەل ئالیێن دی خورتکر وپێشڤەبرن ، ئو ئەڤە دخزمەتا وەرارا زمان وپیڤ ووێژەیا کوردی دا بوو .
ھەر وەسا گێرانا چار فیستەڤالێن رەوشەنبیری یێن بەرفرەە ل دھۆکێ ل سالێن ٢٠٠٥/ ٢٠٠٦ / ٢٠١٠ /٢٠١٦ وڤەخواندنا ژمارەیەکا بەرفرەە ژ نڤیسەر وشەھرەزا ورەوشەنبیرێن کورد وچەند نڤیسەرێن بیانی ژی وکۆمکرنا وان ل کوردستانێ وب تایبەت ل دھوکێ ، مە وەک ئێکەتیا نڤیسەرێن کورد رویێ گەشێ پشتی سەرھلدانێ دمەیدانا رەوشەنبیری دا نیشا خەلکێ دیتر ددا ، ھەر وەسا گێرانا سێ دیدارێن نەوروز یێن ھەلبەستێ وەکر پتریا نڤیسەرێن کورد ل ھەر جھەکێ وەسا ھزربکن کو ژددل ئێکەتیا نڤیسەرێن کورد لقێ دھۆکێ مالا مەزنا ھەموو نڤیسەرایە .
• گوڤارا پەیڤ ، گوڤارەکا رەوشەنبیری وەرزی یە ، ناسناما ئێکەتیا نڤیسەرێن کوردە ل دھۆکێ ، بەردەوامە لسەر دەرکەتنێ وھەتا نوھا ٧٣ ژمارە ژێ دەرکەتینە ، ھەر ب پشتەڤانیا حوکمەتا ھەرێما کوردستانێ بوویە . بو زانین ھەر سێ ژمارێن ٧١/٧٢/٧٣ پ پشتەڤانیا رێزدار پارێزگارێ دھوکێ ھاتینە وەشاندن ئو ئەم سوپاسیا جەنابێ وی دکین ژ بۆ بەردەوامیا پشتەڤانیا گوڤارا پەیڤ . بۆ زانین گوڤارا پەیڤ شیایە ژمارەیەک بەرفرەە ژ نڤیسەر و رەوشەنبیرێن کورد ل دوور خوە کۆم بکت بتایبەت ژ باکوور ، روئاڤا ، ئوروپا ئەرمەنستان ، کازاخستان ژ بلی یێن ھەرێما کوردستانێ ، جونکە ب ھەردو تیپێن لاتینی ئو ئەرەبی دەردکەڤت .
• پروژێ مە یێ وەشانێ شیایە ھەمبێزا بەرھەمێ کومەکا نڤیسەرێن کورد یێن روژ ئاڤا وباکوور وروژھەلات وئەرمنستان وکازاخستان وئوسترالیا بکت ، ئو ئەڤە لیستەک بناڤێن وان نڤیسەران :
روژئاڤا : تەنگەزارێ مارینی / دیا جوان / کونێ رەش / حلیم یوسف / خەمگینێ رەموی / حنیف یوسف / د. عبدی حاجی / دمھات دێرکی / مسعود خلف/ خەلات ئەحمەد / دلشا یوسف / روخوەشێ زیڤار/ سەیدایێ کەلەش / سیروان قچو/ عەمەرێ لەعلێ / وجیھە عبدالرحمن / عزیز خەمجڤین/ فتح اللە حوسەینی / ابراھیم محمود/ھوشەنگێ ئوسێ /شاھین بکر سورەکلی

*باکوور :
ئارژەن ئاری / یلدز چاکار/ جیھان رۆژ / بیلگە سومەر / مەم شەرەف / کالێ قردیسی /خالدێ ئامەدی /

رۆژ ھەلات :
پەرویزێ جیھانی / مسعودێ رەحیمی /

ئەرمەنستان : حەجیێ جوندی / قەناتێ کوردو –توسنێ رەشید / وەزیرێ ئەشو / فریکێ ئوسف /

کازاخستان : باریێ بالا

• ھێژایان : پروژێ ژ وەشانێن ئێکەتیا نڤیسەرێن کورد ل دھۆکێ شیا تا رادەیەکێ خوە ژ مەیدانا وەرگێرانێ نێزیک بکت وکار لسەر بکت ، لێ مخابن ھێژ پێدڤی کار و بزاڤێ یە . مخابن ھەتا نوکە ب فەرمی ریڤەبەریا وەرگێرانێ ل دھۆکێ نینە بەروڤاژی ھەولێر وسلێمانی کو ھەنە لسەر میلاکێ وەزارەتا رەوشەنبیری ولاوان .

• بو زانینا وە یێن بەرێز مە پشتەڤانی و ھاندانا بەرھەمێن پتر ژ ٣٥٠ گەنجان ب پشتەڤانیا دارایی یا رێژەیی کریە . ژبلی کو بەرھەمێن وان دپروژێ وەشانێن مە دا ژی چاپ بووینە .

• مخابن ئەڤ پرۆژێ مە یێ وەشانێ نەما ولەھیا قەیرانێ داعویرا . ئو حوکومەتێ چاڤێن خوە نقاندینە

• بناڤێ ئێکەتیا نڤیسەرێن کورد لقێ دھوکێ ئەم داخوازیا ڤەگەریانا بودجەیا ھەیڤانە یا نڤیسەران دکین کو ئەڤە سێ سالە ئەم ژێ بێ بار بینە ودێ نێزیک زیانێ گەھینت مەیدانا رەوشەنبیری .جونکە رەوشەنبیری مروڤێ ساخلەم بەرھەمدھینیت وگەشەپێدانا مروڤی خورت دکت .

• دگەل رێزگرتنێن مە بو وە یێن بەرێز وسەروکاتیا زانکویا زاخو وڤەخواندنا مە بو کونفرانسێ خوە یێ دویی َ … ھەر سەرکەفتی بن . (حەسەن سلێڤانەیی – سەرۆکێ ئێکەتیا نڤیسەرێن کورد – دھۆک.)
ھەر ب ڤێ ھەلکەفتێ یەکیتیا نڤیسەران و دەزگەھێن بەشداری کری ژ لایێ رێڤەبەرییا کونفراسی ڤە ھاتنە خەلاتکرن.

18073258_619347174942338_1205135911_n

Share This: