دزێ مالێ یان عەشقێ

تێکست: دلگەش یونس عەلی
پشتی حەزکرنەکا کویر ل ھاڤینا سالا ٢٠١٥ ئێکەم جاربو ئەز ب کویری سەرخوەش بویم، ھەمی دەرگەە ل من گرتی بون ب تنێ ئەو بیرئانین نەبن یێن من دگەل وێ ھەین، پێنگاڤ پێنگاڤ ئەز ژ مەیخانێ دھاتم. بێحەمد پێن من ئەز بەرب مالا تە د ئینام. من ھند خوە دیت ل بەر دەریێ ھەوە. عەشق رێکا سەرەکی یە بو دروست بونا جاڤ نەترسیێ. وێ شەڤێ ھەم عەشقا دینسز. ھەم سەرخوەشیا بێ ئەخت و بار ھەمی ترس ل پێش چاڤێن من وندا کر. من ھەو دزانی ئەز و تو ب تنێ ل ڤێ ژیانێ ماینە. ھەمی کوچ بوینە وندا بوینە. ژیان ژ دەست دایە.من خوە د ھەمبێزا تە دا دیت, پر جاران مروڤ حەسدکت پێن مروڤی پێڤەنەبان. دا مروڤ بەرەف ڤی جھی نەئینابان. یان سەرێ مروڤی بری با دا سەرخوەش نە ببا. وێ شەڤی باب و برایێن تە خواستن ھەمی بێ شەرەفیا وەلاتی ب من بفروشن. خواستن ھەمی بێنامیسیا پارتێن سیاسی ب من بشون. نزانم ئەز چەوان ژ مال رەڤیم. چەوان ترسا وان یا سار ئەز ژ ھەمبێزا تە یا گەرم دوور خستم.
پشتی دەمەکێ من خوە ل کولانێن ئەوروپایێ دیت. ل سەر مالپەرێ پولیسان ناڤێ من ب دزێ مالا وە ھاتبو بەلاڤکرن. نزانم دزیا من ژ مالێ بابێ تە بو یان ژ بێھنا پورا تە ؟