xalidomer-niviseran-2016

Axaftine di gel canê melayê Cizîrî de / Xalid Omer

Mesaul xeyrî  xanê min

 

Ji kurdistan ji vê xwînê

(Şeraba nabe rumanî

Şefeq da eqdê perwînê)

Şeva teb’ xêrbe nîşanî

Seher bayê feraşînê

Meya sadej’ lebên selma

Li ser gora te dirjînê

Siwarbûne ji pêkva em

Li ser baskê humayînê

(Ziringînî ji qelpê da)

Emin îro sura jînê

………………..

Mesaul xeyrî xanêmin

Tu wî rûh û rewa canî

Vebist tuj’ pertewa tûrê

Ji lew mayî tu nûranî

Dema şewqa te îsa bû

Suheyl girya li kîwanî

Rehêlî tul’ seqa ristan

Mij û morin tu baranî

Ji ristên te dibarînin

Dilopên şîr û şêranî

Ji lew îro meges teb’im

Li ser şaxê te min danî

……………..

Mesaul xeyrî xanêmin

Liser şaxête dildarim

Bi tîrên çeşme yên mexmûr

Ji nîva dil birîndarim

Di mihra tey nepen dîlber

Lepên bêrya te ez xwarim

Sera ser ez hevotim lew

Hezar perçe hezar parim

Ji sînê dil firî îro

Li ezmanê te ref tarim

…………………….  .

Mesaul xeyrî xanêmin

Dilêmin sed keser têda

Dirêsim deftera işqê

Ji qabê ber bi qabêda

Hewildanên gihiştna yar

Hemî win bûn di ber bêda

Ku bakeşta mi tê xwarê

Di hev wertêm di avêda

Mesaul xeyrî xanêmin

Dilêmin sed keser têda