(قەچاخ) ژیاننامه‌ و به‌رهه‌م

ـ ناڤ/ قادر عەبدولعەزیز رەشید (قەچاخ).
ـ ژدایکبوون/ (١٩٦٢).
ـ ئاستێ خاندنێ/ پێنجێ وێژەیى.
ـ لسالا (١٩٨٠)ێ بهەردوو شێوازێن کلاسیک و ئازاد و بهەردوو زاراڤەیێن کرمانجیا سەرى و خوارێ دەست بنڤێسینا هەلبەستێ کریە.
ـ لگوندێ کورێمێ لدەڤەرا مانگێشکێ لسنورێ پارێزگەها دهۆکێ ژدایکبوویە. خاندنا سەرەتایى، ناڤنجى و ئامادەیی لگوندێ بەرۆشکا سەعدونى، کۆڤلێ و کورێمێ، هەروەسا لباژێرێن مانگێشک و دهۆکێ بەردەوامى دایێ، لسالا ١٩٧٩) هاتیە رێکخستن لناڤرێزێن پارتى دیمۆکراتى کوردستان.
لسالا (١٩٨٠)ێ، پشتى رێکخستنا وان ئاشکرادبت، ژبەر زۆرداریا رژێما بەعسا فاشى، خوە دگەهینیتە ناڤرێزێن شۆرەشا گۆلانا پێشکەڤتنخواز و بەردەوامیێ بپێشمەرگایەتیێ ددەت، تاکو سەرهلدانا جەماوەریا کوردستانێ لسالا (١٩٩١)ێ.
لڤان چەند سالێن بوورین، گەلەک پللەیێن بەرپرسیاریێ وەرگرتنە، تاکو گەهشتیە پللەیا سەرکردایەتیێ، بهەردوو چەکان (تڤەنگ و پێنڤێسى) بەرەڤانى ژ دۆزا مللەتێ کورد کریە و نوکەژى بەردەوامە.
ژبلى چاپکرنا بەرهەمێن خوە لسالا (٢٠٠٩)ێ، شیایە نیڤەکا خانیێ خوە تەرخان بکەت بۆ موزەخانەیەکا کولتۆرى بناڤێ (موزەخانەیا قەچاخ).
ـ یەکەمین بەرهەمێ وى لسالا (١٩٨١) بناڤێ (گرەو) لگۆڤارا سەفین لسنورێ لقا دوو دەردکەڤت، بەلاڤبوویە.
ـ چنکو بابێ وى دزیندانێڤە فێرى خاندن و نڤێسینێ ببوو، باندۆرا وى لسەر هەبوویە، لخاندنگەهێ بزمانێ کوردى دخاند، ژبەر کو تەپەسەریا نەتوایەتییا بەردەوامبوویە، چنکو وى بخوە حەز ژ هەلبەستێ دکر و هەلبەست زویکا ژبەردکرن. دتیپا سرۆدێن خاندنگەهێدابوویە، کاردکر هەلبەستێ بنڤێسیت، نەخاسمە پشتى کو قوچارەشا سالا (١٩٧٥)ێ هندەک هەلبەست نڤێسین، بەلێ نەبوو بەلاڤکرنێ، بەلکو بۆ گۆتنێ دنڤێسین، هەکە هەڤالێن وى دیتبان، دگۆتێ: ئەڤە نەهەلبەستێن تەنە، بەلکو یێن بابێ تەنە، لەوا نەچاربوو هەلبەستا ئازاد بنڤێسیت، چنکو بابێ وى یائازاد نەدنڤێسی، بەلێ پشتى چووینە ناڤ رێزێن شۆرەشێ لرۆژهەلاتێ کوردستانێ، کارێ وى پتر بۆ کارێ خاندنا پرتوکان بگشتى بتایبەتى یێن تایبەت و وێژەیى، ئێدى دەست بنڤێسینا ئاشکرا کر، لهەلکەڤتان هەلبەستێن خوە و بابێ خوە هەمى ژبەر دخاندن، هەروەسا بەلاڤکرنا وان لرۆژنامە و گۆڤاران و لدەنگێ ئیزگەیێ دەنگێ کوردستان.
ـ کارێ وى یێ نوکە هەر پێشمەرگەیە و بەرپرسێ لقا (١٧ یاشنگال).
ـ بەرهەمێن چاپکرى:
ـ بزاڤ (١٩٨٤).
ـ چاوەروانى (١٩٨٥).
ـ بەرخوەدان (١٩٨٩).
ـ تە بۆ چیە سویند (١٩٩٣).
ـ بزاڤ و ئامانج (٢٠٠٠).
ـ بزۆت (٢٠٠٣).
ـ گولدان (٢٠٠٤).
ـ توخیب (٢٠٠٥).
ـ چیاڤین (٢٠٠٥).
ـ کانى و ریبار (٢٠٠٦).
ـ کەل و شکەفت (٢٠٠٧).
ـ گیاندار پەروەر (٢٠٠٧).
ـ وەکهەڤی (٢٠٠٨).
ـ حەمک و سینەم (٢٠١٠).
ـ عەبدالێ زەینێ (٢٠١١).
ـ موزەخانەیا قەچاخ (٢٠١٣).
ـ گۆتاربێژى (٢٠١٣).
ـ سترانا مێ (٢٠١٥).
ـ بەیانا من (٢٠١٥).
ـ زانیاریێن گەش بۆ دیرۆکا رەش (٢٠١٥).
ـ دومێت کوردستانێ (٢٠١٦).
ـ هەمى بەرهەم لدهۆکێ چاپبووینە.
ـ لسالا (٢٠٠٥) بمەدالیا فەستیڤالا جەواهیرى یا سێیێ ژلایێ ئێکەتیا گشتى یا تورەڤان و نڤێسەرێن ئیراقێڤە هاتیە خەلاتکرن.
ـ پرتوکێن بەردەست بۆ چاپکرنێ:
ـ سەرەدانا من بۆ ئەمریکا و دیتنا کوردێن مشەخت.
ـ دیوانەکا هەلبەستان بناڤێ (نەرەڤی).
ـ دیوانەکا بناڤێ (دلساخ) .
ـ لبەرە (کەلا دمدم) وەک (حەمک و سینەم) و  (عەبدالێ زەینێ) بداستانە هەلبەست بنڤێسیت، هەروەسا ژیاننامەیا خوە بچەند بەرگەکان بنڤێسیت.

https://www.youtube.com/channel/UCDf_xotolmtmBDZz51WZAmA