تشتێن تە ل پاش خوە ھێلاین / جۆن ریڤنسکرۆفت

وەرگێران ژ زمانی عەرەبی / اسماعیل سلیمان ھاجانی

ئێکە ژ نڤیسەرێن ناڤداريَن بریتانی ل سالا ١٩٥٤ ھاتیە دونیایی و گەلەک رۆمان و کورتە چیرۆک نڤیسینە و چەندین خەلاتێن مەزن وەرگرتینە وەک خەلاتێ نڤیسەرێ سالێ ٢٠٠٤ێ .ئەڤ چیرۆکە ژ کۆمەلا وی یا بناڤێ (کۆشتنا کێڤروشکان) کو ھاتیە وەرگێران بۆ زمانی عەرەبی ژ لایێ نڤیسکارا مصري فاطمە ناعوت.

تشتێن تە ل پاش خوە ھێلاین

درێژیا حەفتیا بۆری، نە د شیانێن من دە بوو ل زلینکا سەرشۆیێ بنێرم. ھێشتا پرە ژ تشتێن تە، براستی ئەزێ ژێ ترسم. د ترسم ژ وان تشتێن تێدە ببینم، پارچێن جلکێن تە یێن ڤەشارتی. زەخمێ تە، بەنتەلۆنێ تە یێ غاردانێ تایبەت، گۆرا تە . ئەز ژ خوە ب ئاڤنەھم ئەو گۆرا من بو تە دیاری ئیناین ل رۆژ بوونا تە.ئەو گۆریەیا ل جھێ کەمەرێ نەخشێ خوداڤەندا مێھبازیێ ل سەر کەمەرا کەماخا نەخشاندی ب رەنگێ زێرین. ھەکە جارەکادن من تشتێن تە دیتن. نزانم دێ ج ب سەرێ من ئینن. ژ بەر ھندێ چەند دچم دەستاڤێ، ئەز روویێ خوە ڤەدگوھێزم دیواری، چاڤێن خوە ب نەخشێن کاغەزا دیواریڤە مژوول دکم. ھەولددم کو یێ ل جیھانەکادی، سەر شوو ڤالایە و چ زلینکێن سەرشوویێ ل ور نینن.
لێ زلینک ل وێرێ یە ل وێ جیھانا تە ئەز لێ ھێلایم. زلینکا تشتا ل ھەر جھە کیە دەمێ دچم دەستاڤێ. دزانم ئەز پێنگاڤەکێ دووری تشتێن مە مە ، ژ تشتێن مە یێن ڤەشارتی د ھوندردە.گازی من دکن ئەو تشتێن تە ل پاش خوەڤە ھێلاین.
ژ بەر ھندێ ئەزێ ئەڤرۆکە رەفتارەکێ دگەل کم. ئەزێ ئەڤرۆ زلینکێ ڤالا کم. ئەڤە دێ ئەو رەفتار بت یا ئەز دگەل دکم. ئەز ێ ئەتەکێ تە یێ زەرێ ڤەکری بینم، ءئەوێ کەمەرێن کەسک و زراڤ لجھێ کەماخا، دوو موویێن تێک ئالزی دناڤ پێسیرا بەنتەلۆنێ تە دە ، ئەو موویێن تەنە. پشتی د کمە کەفا دەستێ خوە دا ئەزێ بیستەکێ روونم، پاشی دێ پارچەکا کاغەزێ ئینم، دێ ھەردو موویان دانمە سەر کاغەزێ و ھەولدم پیڤم ، دبت ئەڤە باشترین تشتبت بکم، من باوەرە ئەڤ کریارە رەوشا من باشتر کەت. وەکی وێ رۆژا پۆلیسان تشتێن تەئیناین، من گۆت سپاس، ھوون پر باشن، پشتی پۆلیس چووین من شریتا پیڤانێ و تەرزوویا لێنانگەھێ ئینان، من دەستپێکر تشتێن تە کێشان و پیڤان.
کلیل دھێنە بیرا تە ؟ ٧٨ گرامن، یێ ژ ھەموویان درێژتر سویجێ ترومپێلاتە نە ٧٣ ملیمەترن.
ھەردوو داڤێن موویێن تە دێ شویماتیا کن ھندی تو بێژی . چەند ببینم دێ سەر ژنو د تبلا من ئالزن. بێ وەج وێ ناکن یا من بڤێت. دێ وەکی خوەکن.
ئەزێ داویی شێم پیڤم، ئێک دێ ٢٤ ملیمەتربت، یێ دن ٢٧.٥ ملیمەتر بت. دێ بەراوردکم دگەل ھند موویێن خوە دێ گەلەک درێژتربن. ئەزێ ب پرسم کا ئەڤ جیاوازیێن سەرەکی نە دناڤ بەرا نێر و میان دە.یان ئەڤ دوو موویێن من دناڤ بەنتەلۆنێ تە دا دیتین ژ ژخوە کورتن. ئەزێ موویێن تە ب کاغەزێ ڤە نوسەک کم ئێک ب رەخ یێ دیڤە.دێ ب لەزکا تەنک داپۆشم و تێبینیان ل سەر نڤیسم، دێ کمە د زەرفەکی دە و ب دەستخەتەکی جوان ل سەر نڤیسم موویێن کاسی.پاشی دێ کمە د سندۆقەکێ دا، دگەل ھەموو تشتێن دی یێن رزگاربووین ژ خەندقینێ.
پشتی ھینگێ ، د دەمژمێرەکا شەڤەکا وەستیایی دە،دێ خانیێ مە گەلەک مەزن بت، خەو ناھێتە چاڤێن من. چ تشت د تەلەڤزیۆنێ دە دەرناکەڤت ژبلی ، پرۆگرامێ سڤگ و بەریکانا.ژ بەر ھندێ ئەزێ سندۆقێ ژ جھێ وێ یێ ڤەشارتنێ دەرئێخم، دێ ھێدی بشکنینێ دناڤ تشتێن َتەدا کەم. بێھناخوە ھلکێشم ، لەزێ ناکم، دێ شوینەوارێن تە ، بێھناتە ب لێڤێن خوە ب زمانێ خوە ب تلێن خوە ھلمریسم .
سڤدەرێن مالان ، ھوسا ئەز ھزردکم، ئەو تشتێن تە ل پاش خوە ھشتین ئەو دەریکن بۆ بیرھاتنان. ھەر تشتەک چریسکەک روناھیێ یە ، ڤەگوھاستن ژ جھەکی جیاواز ژتە. روناھیەک جیاوازە ژمە.
من گۆستیرکا بۆکینیاتە یاھەی، دەمێ من وەرگرتی .ناھێتە بیرامن ژ ژنڤیسنگەھا باکستۆن یا تومارکرنا ژن ئینانێ ،ئۆ نە کێکا ب پازدە جنیھێن ئسترلینی،یاگەلەک شدیایی بوو مە نەشیا ب برن وتە نەشیا پەیڤەکێ ژی بێژی.وەک رێگرەک شرعی.ئەو تشت پاشی دھێن، تشتێ یێ کو بیرامن دھێت، ئەو کێلکا تە گۆستل ھاڤێتی ئەو گوستیلا بۆ تەکری، وکریە تبلا تە،تە لناڤ چاڤێن من دای و بیرا من دھێت چاوا بەرزە بووی و داویا وێ ، کەتیە د لالیکا ێەی دا.
پشتی ھینگێ ب چەندەکێ ێە ھات . ھێمنی ل دێمێ تە دیار بوو و گۆستیل ژلایی دی یێ ێەی دەرکەت .بیرا من دھێت چاوا د حەودا لێنانگەھێ دا ئاڤ پێدا دکر . دا ژ پیساتیێ ێەی پاقژبت. تو دکەنی و تە دگۆت دڤێت ئەڤە ب بیت سۆمبۆل. براستی تو یە حەق بووی .بیرا من ناھێت سۆمبۆلێ چ واتە ھەبوو کاسی؟بیرامن ناھێت چ ژوان.دبت چ واتە نەبن،دبت وەکی تە جارەکێ گۆتی ھەموو پێکەنۆکەکا گەردۆنی یە. ھەکە خوە وەسا ژی بیت ئەزێ بەردەوامبم ل سەر کومکرنا تشتان. حەفتیا بۆری من کارتیکێ کورتکرنا نینوکێن پیا دبن حەودا سەرشوویێ دە دیت.رەنگێ نینۆکا یا ێور پێڤەبوو.من ژ ھندێ زانی یا تەیە.ئەز دبێژم ھەر وێ رۆژێ من لیستەک قۆرمچی د بروکا ساکۆیێ تە دا دیت.ھندەک خیج و میج وەک کێڤروشکێن لڤلڤوک ل سەر کاغەزەکا زەر نەخشاندی بوو. تەکر بوو دناڤ پەرتوکێ دە کو بزانی ھەتا کیرێ تە خوەندیە.ھاری پۆتەر و کونجا فەلسەفێ. پەرتوکا داویێ بوو تو بخوینی، لێ تو نەگەھشت بوویھەموو یێ بخونی ، کێڤروشکێ گۆتە من تو ب دورستی گەھشت بوویە لاپەرێ بیست و نەھێ، تەمەتی تەمەنێ خوە ، ئەرێ ئەڤە واتەیەکێ ددت؟
ئەز باوەرناکم کاسی ، لێ ئەزێ پەرتوکێ و نیشانێ و خیج و میجکا و کارتیکێ نینۆکا و موویێن تە یێن حەرام و سویجێ ترومبێلێ و گۆستیلا بووکانیا تە و ھەموو پارچێن خەمگین و پۆشمان تە ل پشت خوە ھێلایین .ئەزێ ھەموو یان پارێزم د سندۆقا خوە دە.
دێ ب ھەموو شیانێن خوە وان پارێزم،لێ تشتێ ژ ھەموویێ مەزنتر و خەمگینتر دێ خوە ژی پارێزم.