47 سالیا یەکیتیا نڤیسەران یا گشتی ب جوشەکی مەزن ھاتە پیرۆزکرن

ئەڤرۆ و بھەلکەفتا ٤٧ سالیا دامەزراندنا یەکیتیا نڤیسەرێن کورد یا گشتی، یەکیتیا نڤیسەرێن کورد-لقێ دھوکێ رابوو ب ساخکرنا ڤێ بیرەوەریێ ب ئێڤارییەکا ھەلبەست خواندنێ ب بەشدارییا ھەلبەستڤانێن ھێژا: (د. بدرخان سندی- محسن قوجان -ھزرڤان – د. عارف حیتو – دیا جوان – دایکا دالیایئ – بەیار باڤی – لقمان ئاسیھی – عبدالرحمن بامەرنی ) ھەژی گۆتنێ یە کو د ڤێ بیرەوەریێ دا سەرۆکێ یەکیتیا نڤیسەرێن کورد-دھوک بەرێز حسن سلێڤانی پەیڤەک پێشکێشکر و تێدا ئاماژە ب دیروکا یەکیتیا نڤیسەران و خزمەت و رۆلێ وێ ب بەرفەرەھی کر، ھەر وەسا بروسکەیێن بیرۆزباھیێ یێن لقێ یەک یێ پارتی دیموکراتی کوردستان- دەزگەھێ خانی یێ رەوشەنبیری-حزبا شیوعی – مەلبەندێ ئێگرتویا ئیسلامی -نڤیسەرێن رۆژئاڤا . ھەر وەسا دەزگەھێن راگەھاندنێ ب بەرفەرەھی د ڤێ چالاکیێ دا ئامەدە بووبوون و ئەڤ ئێڤاری ب برێڤەبرنا نڤیسەر سەلام بالایی بوو.

تتطلب عرض الشرائح هذه للجافا سكريبت.

Share This: